Երէկ 23 յունիսին «ՀԱԼԷՊ» հայրենակցական բարեսիրական հասարակական կազմակերպութեան «Փրկէ կեանք մը» ծրագիրով Հալէպէն Հայաստան տեղափոխուեցան Լեւոն եւ Ռիթա Պապայեանները:
«Զուարթնոց» օդակայանին մէջ անոնց դիմաւորեցին «ՀԱԼԷՊ» ՀԲՀԿ-ի ներկայացուցիչները։ Պապայեան ընտանիքի Հալէպէն Հայաստան տեղափոխումը հնարաւոր դարձաւ IDeA հիմնադրամի ցուցաբերած նիւթական օժանդակութեան շնորհիւ:
Նշենք, որ Լեւոն եւ Ռիթա Պապայեաններ Երեւանի մէջ միացան իրենց զաւկին՝ Յովսէփի ընտանիքին եւ թոռներուն, որոնք Հայաստան ժամանած էին 2016-ի նոյեմբերին, նոյնպէս «Հալէպ» բարեսիրական միութեան եւ անհատ բարերարներու ջանքերով: