Յետ կարճատեւ հիւանդութեան Պէյրութի մէջ իր մահկանացուն կնքած է Արփի Ատալեանը (Ծնեալ ՝ Սիսլեան): Այս մասին «Արեւելք» տեղեկութիւն ստացաւ Պէյրութի իր աղբիւրէն:
Հանգուցեալը ծնած էր Պէյրութ` 1970-ին,երկար տարիներ աշխոյժ գործունէութիւն ծաւալած Հ.Մ.Մ. Պէյրութի մասնաճիւղէն ներս: Հանգուցեալը տարիներ առաջ պաշտօնավարած է Հ.Կ.Բ.Մ. «Սահակեան Լեւոն Մկրտիչեան» վարժարանէն ներս իսկ վերջին տարիներուն ուսուցչութեամբ կ'ըզբաղուէր Հայ Աւետարանական Շամլեան Թաթիկեան երկրորդական վարժարանէն ներս:
Արփի Ատալեանի յուղարկաւորութիւնն ու թաղումը տեղի պիտի ունենայ այսօր` յետմիջօրէի ժամը 3:00-ին` Ռըմէյլի Սուրբ Յարութիւն Եկեղեցւոյ մէջ, ուրկէ հանգուցեալին մարմինը պիտի փոխադրուի Պուրճ Համուտի Ազգային գերեզմանատան մէջ:
Հանգուցեալը կինն էր Լեւոն Ատալեանին եւ մայրը երկու զաւակներու` Նարեկ եւ Կարէն Ատալեաններուն:
«Արեւելք» այս տխուր առթիւ իր ցաւակցութիւնները կը յայտնէ հանգուցեալի սիրելիներուն եւ հարազատներուն: