17.09c
Երեվան
ուրբ, ապր 19
Օրեր առաջ թուրքական լրատվամիջոցները հաղորդել էին, որ Թուրքիայում որոշում է կայացվել քանդել պոլսահայ մտավորական, գործարար, շաբաթներ առաջ թուրքական բանտից փախած Սեւան Նշանյանի ընտանիքին պատկանող «Նշանյան տներ» անվամբ հայտնի հյուրանոցային համալիրը, որը Թուրքիայի գավառական ամենաինքնատիպ հյուրանոցներից է համարվում:
Լուրն արագ տարածվել էր, շատերը որոշումը կրկին քաղաքական էին որակել:
«Արեւելքի» հետ զրույցում Սեւան Նշանյանն ասաց, որ լուրը չի համապատասխանում իրականությանը: «Հյուրանոցին ձեռք չեն տվել, նույնիսկ ավելին՝ գործերը լավ են ընթանում»,-հաղորդեց Հունաստանում գտնվող հայ մտավորականը: Նա նշեց, որ գյուղում մի այլ կառույց են քանդել, որի սեփականատերը մամուլին ասել է, որ հաջորդը Սեւան Նշանյանին պատկանող կառույցն է քանդվելու, եւ թուրքական լրատվամիջոցները սխալ լուր էին տարածել: Սեւան Նշանյանը հայտնեց նաեւ, որ ընտանիքը Շիրինջեում է, շարունակում է կառավարել ընտանեկան բիզնեսը:
