Լիբանանցի երգչուհի Գարոլ Սմահայի թուիթըրեան էջը ցանցահէններու յարձակման թիրախ դարձած է, կը գրէ «LBC» լրատուական կայքը:
Երգչուհին շատ արագ նկատած է տեղի ունեցածը եւ գրառում մը կատարելով դիմած է իր հետեւորդներուն:
«Սիրելի հետեւորդներ, վայրկեաններ առաջ էջս ցանցահէններու յարձակման ենթարկուեցաւ, եւ այնտեղ անպատեհ բաներ հրապարակուեցան: Փառք Աստուծոյ, որ խնդիրը արդէն լուծուեցաւ: Ներողութիւն կը խնդրեմ տեղի ունեցած սխալմունքին համար»: