Հայաստանի ընտրութիւններ. «Իմ Քայլը» առաջատար. «ԲՀԿ» եւ «Լուսաւոր Հայաստան» նոյնպէս խորհրդարան պիտի անցնին... Արամ Ա. Կաթողիկոսը նամակ յղած է ՀՀ նախագահ Արմէն Սարգսեանին ողջունելով նոր Ազգային Ժողովի ընտրութիւնը... Փարիզի ցոյցերը աննախադէպ էին. Ձերբակալուածներու թիւը հասած է 1550-ի... Հայ դպրոցը՝ հոգեւոր ու ազգային ինքնութեան օրրան...
Արամ Ա. կաթողիկոս «Ասպետ»-ի շքանշանով պարգեւատրած է Արամ եւ Ռաֆֆի Մալեանները (Լուսանկարներ)
Արամ Ա. կաթողիկոս «Ասպետ»-ի շքանշանով պարգեւատրած է Արամ եւ Ռաֆֆի Մալեանները (Լուսանկարներ)
13 Մարտ 2018 , 11:25

Իրենց ազգային բարեսիրական գործունէութեան, հայկական թաղամասերուն, հայ աշակերտին, լիբանանահայ քաղաքացիին, եկեղեցիին ու Մեծի Տանն Կիլիկիոյ Կաթողիկոսութեան հանդէպ գուրգուրալից վերաբերմունքին, ինչպէս նաեւ վերջերս կաթողիկոսութեան արեւելեան պատի վերանորոգման աշխատանքները ամբողջութեամբ կատարելու առթիւ, Մեծի Տանն Կիլիկիոյ Արամ Ա. կաթողիկոսը երէկ ՙԱսպետ՚-ի շքանշանով պարգեւատրեց Արամ եւ Ռաֆֆի Մալեանները:

 Պարգեւատրման հանդիսութիւնը տեղի ունեցաւ կաթողիկոսութեան վեհարանին մէջ, սուրբ եւ անմահ Պատարագէն ետք, ներկայութեամբ Պէյրութի նահանգապետ դատախազ Զիատ Շպիպի, Լիբանանի մէջ Հայաստանի Հանրապետութեան արտակարգ եւ լիազօր դեսպան Սամուէլ Մկրտչեանի, ՍԴՀԿ Լիբանանի շրջանի Վարիչ Մարմինի ատենապետ, պետական երեսփոխան ընկ. Սեպուհ Գալփաքեանի, պետական երեսփոխան Սերժ Թուրսարգիսեանի, Մալեան ընտանիքի անդամներուն եւ հարազատներուն, ինչպէս նաեւ բարեկամներու բազմութեան:

 

 


Հանդիսութեան բացման խօսքով հանդէս եկաւ ՙԱրարատ՚ օրաթերթի տնօրէն ընկ.հի Անի Եփրեմեան: Ան ընդհանուր գիծերու մէջ ներկայացուց Արամ եւ Ռաֆֆի Մալեաններու կեանքն ու գործունէութիւնը, հայկական թաղամասերուն մէջ, հայկական միութիւններուն եւ եկեղեցւոյ ի նպաստ անոնց կատարած ծառայութիւնները: Ընկ.հի Եփրեմեան խոր երախտագիտութիւն յայտնեց Արամ Ա. կաթողիկոսին, ՙոր գիտէ գնահատել եւ արժեւորել գործող եւ յանձնառու ազգայինները՚: Ան իր խօսքը փակեց մէջբերելով վեհափառին խօսքը, որուն մէջ ան կը նշէ, թէ հովիւը պէտք է լաւ ճանչնայ իր հօտը, որպէսզի իր աշխատանքը կատարէ առաւել պատասխանատուութեամբ: ՙՀովիւին ու հօտին միջեւ մնայուն ու անմիջական կապը կենսական է մանաւանդ մեր եկեղեցւոյ համար, որ սոսկ կառոյց մը չէ, այլ ժողովուրդին կեանքը իր բոլոր բնագաւառներով ու տարածքներով իր մէջ պարփակող համայնական կեանք ու առաքելութիւն է՚, ըսաւ ընկ.հի Եփրեմեան, մէջբերելով Վեհափառ Հայրապետին խօսքերը:

 


 Արամ Ա. կաթողիկոս իր պատգամին մէջ նշեց, որ մարդը արժէք է ոչ թէ իր հարուստ կենսագրութեամբ, այլª հարուստ կեանքով: ՙԱյդ կեանքը կը դառնայ հարուստ, երբ ծառայութեամբ յատկանշուի, երբ ուրիշին համար կու տայ այն ինչ որ կենսական է: Մարդը կը դառնայ հարուստ ոչ թէ իր ունեցածով, այլª իր ըրածով: Բոլորս ալ կու գանք ու կþերթանք, կը մնայ այնª ինչ որ կու տանք՚, ըսաւ Վեհափառ Հայրապետը: Ան նշեց, որ Մալեան եղբայրներուն վերջին տարիներուն մօտէն ծանօթացած է եւ բացայայտած է քանի մը յատկութիւններ: Կաթողիկոսը նշեց, թէ շատ գեղեցիկ է տեսնել եղբայրներ, որոնք միասին կը մտածեն, միասին կը ծրագրեն եւ միասին կը գործեն, կոչ ուղղելով այդ յատկութիւնը վարակիչ դարձնելու բոլորին մօտ: ՙԻրենց մօտ բարերարութիւնը եւ ծառայութիւնը բնական երեւոյթ է: Ոմանք, երբ ծրագիրներու առաջարկներ կը ներկայացնենք իրենց, ժամանակ կը պահանջեն խորհրդակցելու: Իսկ այս երկու եղբայրները, ինչ որ առաջարկենք, մտածելու կարիք չունին, այլ իրապէս սրտաբուխ համաձայն կը գտնուին: Այս պարագային սրտաբուխ բառը կը համապատասխանէ իրենց իրականութեան՚, ըսաւ Արամ Ա. կաթողիկոսը: Ան նշեց, թէ սպասելի է նեղ շրջանակէ դուրս գալով նաեւ ծառայել մեր սպասաւորութեան նուիրուած կառոյցներուն: ՙՕրինակելի երեւոյթ է, որ այս երկու եղբայրները, իրենց դպրոցին, միութեան, եկեղեցւոյ եւ միջավայրին տուած օգնութեան կողքին, այժմ նաեւ օգտակար կþըլլան Մեծի Տանն Կիլիկիոյ Կաթողիկոսութեան՚, ըսաւ Վեհափառ Հայրապետը:


 Հայրապետական կոնդակի ընթերցումէն ետք, Արամ Ա. կաթողիկոս ՙԱսպետ՚-ի շքանշանով պարգեւատրեց Արամ եւ Ռաֆֆի Մալեանները: Պէյրութի քաղաքապետութեան անդամ, ՀԿԲՄ-ի ատենապետ Արամ Մալեան իր շնորհակալական խօսքին մէջ նշեց, որ ազգին, հայրենակիցներուն ու եկեղեցւոյ ծառայելը բեռ մը չէ, այլª պարտականութիւն, իրաւունք եւ պատիւ: ՙԲարեսիրութիւնը, հայկական ազգային հաստատութիւններուն եւ հայրենիքին հանդէպ գուրգուրալից մօտեցումը մաս կը կազմէ մեր խառնուածքին: Ան բնական արդիւնքն է այն կրթութեան, զոր մենք ստացանք մեր հայաշունչ ընտանիքին մէջ: Արդիւնքն է բարերարութիւնը քաջալերող մեր ծնողներու տուած կրթութեան: Նաեւ բնական արդիւնքն է այն կրթութեան, զոր մենք ստացանք մեր միութիւններու յարկին տակ, մեր հայկական թաղամասերուն մէջ՚, ըսաւ Արամ Մալեան: Ան նշեց, որ Վեհափառ Հայրապետին օրհնութիւնը արդէն իսկ յաւելեալ խթան մըն էª շարունակելու ազգանուէր աշխատանքը: ՙՈւստի, մենք հպարտ ենք եւ պարտաւոր կը զգանք մասնակից դառնալու Վեհափառ Հայրապետի առաքելութեան, մեր լուման ներդնելու Կաթողիկոսութեան եւ գաղութի բարգաւաճման գործին մէջ, եւ մեր կարելիութեան սահմաններուն մէջ մաս կազմելու այն մեծ տեսլականին, զոր ունի Վեհափառ Հայրապետը: Այդ տեսլականին գործնականացումը եւ արդիւնքները արդէն իսկ յայտնի են բոլորին, ու մասնաւորապէս հայ ժողովուրդին ունեցած սէրը եւ յարգանքը Վեհափառ Հայրապետին հանդէպ՚, նշեց Արամ Մալեան:

 

 Հանդիսութեան մասնակիցները, ապա, իրենց շնորհաւորանքները փոխանցեցին պարգեւատրեալներ Արամ եւ Ռաֆֆի Մալեաններուն:

 

Լրահոս
Ամենաընթերցուած
Օրվա
Շաբաթվա
Ամսվա
One of the world's oldest civilizations, Armenia once included Mount Ararat, which biblical tradition identifies as the mountain that Noah's ark rested on after the flood. It was the first country in the world to officially embrace Christianity as its religion (c. A.D. 300).In the 6th century B.C. , Armenians settled in the kingdom of Urartu (the Assyrian name for Ararat), which was in decline. Under Tigrane the Great (fl. 95–55 B.C. ) the Armenian empire reached its height and became one of the most powerful in Asia, stretching from the Caspian to the Mediterranean seas. Throughout most of its long history, however, Armenia has been invaded by a succession of empires. Under constant threat of domination by foreign forces, Armenians became both cosmopolitan as well as fierce protectors of their culture and tradition. Over the centuries Armenia was conquered by Greeks, Romans, Persians, Byzantines, Mongols, Arabs, Ottoman Turks, and Russians. From the 16th century through World War I, major portions of Armenia were controlled by their most brutal invader, the Ottoman Turks, under whom the Armenians experienced discrimination, religious persecution, heavy taxation, and armed attacks. In response to Armenian nationalist stirrings, the Turks massacred thousands of Armenians in 1894 and 1896. The most horrific massacre took place in April 1915 during World War I, when the Turks ordered the deportation of the Armenian population to the deserts of Syria and Mesopotamia. According to the majority of historians, between 600,000 and 1.5 million Armenians were murdered or died of starvation. The Armenian massacre is considered the first genocide of the 20th century. Turkey denies that a genocide took place and claims that a much smaller number died in a civil war.read more: Armenia: Maps, History, yerevanvideo.com Geography, Government, Culture