19.09c
Երեվան
ուրբ, ապր 19
Հայաստանեայց Առաքելական Սուրբ Վարդան եկեղեցին կը շարունակէ «դիմադրել» Նիւ Եորք Մեկապոլիսի «ասֆալթեայ պաշարում»ին: Այս մասին գրած է ամերիկեան Atlas Obscura ճանապարհորդական պարբերականը։
Պարբերականը համեմատած է Նիւ Եորքի սիրտը գտնուող 20-րդ դարուն կառուցուած հայկական Սուրբ Վարդան եկեղեցին Էջմիածնի 7-րդ դարու Սուրբ Հռիփսիմէի հետ։
Ինչպէս կը նշէ յօդուածի հեղինակը, նոյնիսկ աւելի քան 36 մեթր բարձրութեան վրայ գտնուող եկեղեցին կը ծածկեն Մանհեթենի որոշ երկնաքերեր։
«Բաւական է միայն յայտնուիլ հրաշալի շինութեան տարածք, մտնել այնտեղ, եւ ձեզ կը թուի` քաղաքը մնացած է ետեւը, եւ դուք յայտնվուած էք մէկ այլ աշխարհ։ Եկեղեցին հայկական արտասովոր գիւղերէն մէկուն մէջ ծուարած հազար տարուան վանքի նման է։ Այն 681 թուականին կառուցուած Հայաստանի Սուրբ Հռիփսիմէ եկեղեցւոյ ժամանակակից վերարտադրութիւնն է», – գրուած է յօդուածին մէջ։
Հեղինակն աւելցուցած է, որ տաճարի շուրջ զբօսնելու ժամանակ` պատերէն մէկուն վրայ կարելի է նկատել փորագրուած 1966 թուականը։ Քիչ այնկողմ նոյն տարեթիւն է, միայն թէ հայկական տառերով գրուած` «ՌՆԺԵ»։
«Հսկայական քարէ շէնքի վրայ ոսկեզօծ գմբեթն է։ Ներքին յարդարանքը գեղեցիկ որմնանկարներն ու ապակեայ նախշերը կը կազմեն։ Եկեղեցին հայկական բացառիկ ճարտարապետութեան բնորոշ երկու առանձնայատկութիւն ունի։ Նախ` կրկնակի հատուող կամարներ են ամբողջ ներքին տարածքին, ինչի շնորհիւ միւս խոշոր եկեղեցիներու մեծամասնութեան բնորոշ սիւներու անհրաժեշտութիւն չկայ։ Երկրորդը` 36.5 մեթրանոց բրգաձեւ գմբեթը, որ նոյնպէս կը պահուի հատուող կամարներու հաշուոյն», – գրած է ան։
Աղբիւրը ՝
armeniasputnik.am
