26.09c
Երեվան
շբթ, ապր 20
Թուրքիոյ նախագահ Ռեճեփ Թայէպ Էրտողան Հայոց ցեղասպանութեան զոհերու յիշատակի օրուան կապակցութեամբ ցաւակցական ուղերձ յղած է Պոլսոյ Հայոց պատրիարքարանին.
«Յարգելի' Պոլսոյ Հայոց պատրիարքի փոխանորդ Արամ Աթէշեան,
շատ թանկագին իմ հայ քաղաքացիներ,
ի սրտէ կ'ողջունեմ ձեզ:
Այսօր դուք Առաջին համաշխարհային պատերազմի դժուարին ու բարդ պայմաններու մէջ մահացած Օսմանեան կայսրութեան քաղաքացի հայերու յիշատակը յարգելու համար միախմբուած էք Պոլսոյ Հայոց պատրիարքարանի տանիքի ներքոյ:
Կեանքէ զրկուած օսմանեան հայերուն եւս մէկ անգամ յարգանքով կը յիշատակեմ եւ անոնց երեխաներուն ու թոռներուն անկեղծ ցաւակցութիւններս կը յայտնեմ:
Այս կապակցութեամբ հոգիի խաղաղութիւն եւ ողորմութիւն կը խնդրեմ նոյն ժամանակահատուածի մէջ հիւանդութիւններու, գաղթերու, պատերազմի ու բախումներու հետեւանքով մահացած միլիոնաւոր օսմանեան քաղաքացիներու համար:
Պատմութեան ընթացքին մենք մշտապէս եղած ենք ցաւերը կիսող, այլ ոչ տարբերակող կամ մրցակցող»:
Թուրքիոյ ղեկավարը ընդգծած է, որ այսօր ալ Թուրքիան կը ջանայ հզօրացնել խաղաղութեան ու եղբայրութեան ուժը՝ «հիմնուելով պատմական ժառանգութեան վրայ»:
«Մեր հայ քաղաքացիներու՝ պատմութեան ընթացքին ապրած ցաւերը կիսելը թուրք ազգի խիղճի ու բարոյականութեան պահանջն է», - ըսած է Էրտողանը յայտարարութեան մէջ:
Ան նաեւ իր համոզմունքը յայտնած է, ըստ որու Թուրքիոյ հայ քաղաքացիները պիտի շարունակեն իրենց կարեւոր ներդրումը ունենալ երկրի մշակութային, քաղաքական ու տնտեսական ոլորտներու մէջ:
