Ֆրանսացի յայտնի նորաձեւութեան աստղ Թիլան Պլունտու երէկ մասնակցութիւն բերած է «10-Year Challenge» հաշթակին: Այս մասին տեղեկութիւնը կը հաղորդէ «Ալ-Ժումհուրիա» պարբերականը, նշելով, որ 17-ամեայ Պլունտու՝ 2009-ի փոխարէն, իր 2007 թուականին առնուած պատկերը ցուցադրած է, անոր կողքին դնելով վերջերս առնուած լուսանկարը:
Աղբիւրը կը յիշեցնէ, որ 4 տարեկան հասակին նորաձեւութեան աշխարհ մուտք գործած ֆրանսուհին օրին գրաւած է հազարաւոր հետեւորդներու ուշադրութիւնը: Ֆրանսուհին նաեւ կոչ ըրած է աշխարհի չորս ծայրերուն գտնուող իր համակիրներուն՝ միանալու իր ինսթակրամի էջին: