«Պատրաստ ենք աջակցիլ իրաւական պետութեան հաստատման» ՍԴՀԿ-ի Յայտարարութիւնը... ՀՅԴ-ն իրավիճակը կը գնահատէ տագնապեցնող. ՀՅԴ ԳՄ Յայտարարութիւնը... Թագաւոր Սալման կարեւոր ժողովի հրաւիրած է... Սուրբ Էջմիածնի Մայր տաճարը վերանորոգման մէջ...
Աւագ Շաբթուան նուիրուած «Քրիստոսի վերջին օրերը շարականներու ընդմէջէն» համերգ Անթիլիասի մէջ
Աւագ Շաբթուան նուիրուած «Քրիստոսի վերջին օրերը շարականներու ընդմէջէն» համերգ Անթիլիասի մէջ
18 Ապրիլ 2019 , 13:05

Աւագ Շաբաթը հաւատացեալներուս առիթ կ՚ընծայէ վերապրելու Յիսուս Քրիստոսի երկրաւոր կեանքին ծանրագոյն ժամանակահատուածը եւ աստուածաշնչական աղօթքներով լեցուն ժամերգութիւններու ընդմէջէն երկիւղածութեամբ հետեւելու Անոր հրաշափառ Յարութեան, խորհրդածելու մեր հաւատքին մասին եւ վերանորոգելու քրիստոնէական մեր ուխտը։ Այս տարի Աւագ Շաբթուան ընթացքին, Մեծի Տանն Կիլիկիոյ Կաթողիկոսութեան Դպրեվանքի «Արմաշ» երգչախումբը առիթ ընծայեց մեզի, որ մեր հոգեկան գոհունակութիւնը լիցքաւորենք իւրայատուկ համերգով մը, որ կը կրէր «Քրիստոսի Վերջին Օրերը Շարականներու Ընդմէջէն» վերնագիրը։

 

Ն.Ս.Օ.Տ.Տ. Արամ Ա. Կաթողիկոսի հովանաւորութեամբ այս համերգը տեղի ունեցաւ Աւագ Չորեքշաբթի, 17 Ապրիլ 2019-ին, Անթիլիասի Մայրավանքի Ս. Գրիգոր Լուսաւորիչ Մայր Տաճարին մէջ՝ խմբավարութեամբ Հոգշ. Տ. Զաւէն Աբղ. Նաճարեանի եւ դաշնամուրի ընկերակցութեամբ՝ Օրդ. Յասմիկ Գասպարեանի։

 

Տէրունական աղօթքէն ետք, բացման խօսքով հանդէս եկաւ Դպրեվանքի տեսուչ Հոգշ. Տ. Պօղոս Վրդ. Թինքճեան։ Ան դիտել տուաւ, որ հայ եկեղեցւոյ երաժշտական ժառանգը հարուստ բովանդակութեան կողքին իւրայատուկ է, որովհետեւ ան կը պարունակէ աստուածաբանութիւն, աստուածաշնչական իմաստութիւն եւ սրտաբուխ աղօթասացութիւն, որոնց պարգեւած ներշնչումը առիթ կ՚ընծայէ զգալու հոգեպարար արարողութիւնը եւ հոգենորոգ զուարթութեամբ ապրելու կեանքը։

 

Իւրայատուկ այս համերգը ունկնդիրները հաղորդակցութեան մէջ դրաւ Աւագ Շաբթուան բոլոր դէպքերուն հետ իր ընտրած երգացանկին շնորհիւ։ Հայկական հոգեւոր երաժշտութեան եւ արուեստի բարձր որակով քալեցինք Յիսուսի ոտնահետքերով։ Առաջին հերթին, «Արմաշ»ը Մայր Տաճարին դասէն երգեց Ծաղկազարդի եւ Դռնբացէքի շարականները, ինչպէս «Որ վերօրհնես»­-ը՝ Գերշ. Զարեհ Եպս. Ազնաւորեանի դաշնաւորումով, «Բաց մեզ Տէր» եւ «Զողորմութեան քո զդուռն» շարականները։ Ասոր յաջորդեց Ոտնլուայի շարականները, ինչպէս «Այսօր կանգնեցաւ» շարականը՝ Գերպ. Տ. Գուրգէն Եարալեանի դաշնաւորումով, «Այս խորհուրդ լցաւ», «Տէր քոյին շնորհաւ», «Ահա ազատեա», «Սիրտ իմ սասանի», «Որք որ փափաքին», «Այսօր Անճառ» եւ «Տարածեալ»՝ Հոգշ. Տ. Զաւէն Աբղ. Նաճարեանի դաշնաւորումով։ Յիսուսի մատնութիւնն ու խաչելութիւնը ոգեկոչուեցաւ «Արթած սիրութեամբն», «Փառք ի բարձրունս», «Ո՞ւր ես մայր իմ»՝ Դրաստամաս Կիս. Տօնոյեանի դաշնաւորումով եւ Խորէն Մէյխանէճեանի դաշնաւորումով «Տէր ողորմեա»։ Վերջապէս, Յիսուսի հրաշափառ Յարութիւնը նշեց «Արմաշ»ը Կոմիտաս Վարդապետի «Ճաշու շարական յարութեան» ու «Այսօր յարեաւ» շարականներով։

 

Հուսկ, հոգեպարար այս համերգին իր Հայրապետական խօսքը արտասանեց Վեհափառ Հայրապետը։ Որակելով համերգը իբրեւ Աւագ Շաբթուան նախատօնակ՝ ան ըսաւ, որ սովորական համերգի սահմաններէն դուրս էր ան եւ հրաւէր մըն էր ժողովուրդին՝ մասնակից դառնալու յառաջիկայ օրերուն տեղի ունենալիք եկեղեցւոյ ծիսակատարութիւններուն։ Ան դիտել տուաւ, որ համերգը հասանելի էր ո՛չ միայն եկեղեցւոյ մէջ գտնուող ներկաներուն, այլեւ աշխարհի բոլոր կողմերը գտնուող մեր ժողովուրդի զաւակներուն եւ այս գծով Նորին Սրբութիւնը գնահատեց Դպրեվանքի տեսչութիւնը, երգչախումբի անդամներն ու Տեղեկատուական Բաժանմունքի տեսչութիւնն ու աշխատակազմը, որոնք իրականացուցին այս առիթը։

 

Հայրապետը լուսարձակի տակ առաւ ժողովուրդին հոգեւոր եւ բարոյական կարիքները ու ընդգծեց, որ եկեղեցին այս առաքելութիւնը կը տանի թէ՛ եկեղեցւոյ արարողութիւններուն եւ թէ իր առ ցանց ներկայութեամբ, ի մասնաւորի՝ Կաթողիկոսարանի կայքէջին միջոցով. «Այսօր մեր ժողովուրդը կը սպասէ, որ մեր եկեղեցին քարոզչութեան, ընկերային ծառայութեան, քրիստոնէական դաստիարակութեան, Սուրբ Գրոց սերտողութեան ճամբով եւ այլ ձեւերով եկեղեցին տանի մեր ժողովուրդին։ Յաճախ կ՚ըսեմ, որ եկեղեցին շէնքը չէ՛ եւ ոչ ալ եկեղեցականն է։ Հետեւաբար, մեր Ս. Աթոռը զանազան ձեւերով՝ իր կայքէջի, միաբաններու եւ Դպրեվանքին ճամբով առաքելութեան է լծուած» ըսաւ Հայրապետը ու կոչ ուղղեց հայ ընտանիքներուն այս գիտակցութեամբ ու նախանձախնդրութեամբ մասնակից դառնալու Մեծի Տանն Կիլիկիոյ Կաթողիսկոսութեան համազգային առաքելութեան։

 

Համերգը իր աւարտին հասաւ «Փառք Սուրբ Խաչիդ» շարականով։

Լրահոս
Ամենաընթերցուած
Օրվա
Շաբաթվա
Ամսվա
One of the world's oldest civilizations, Armenia once included Mount Ararat, which biblical tradition identifies as the mountain that Noah's ark rested on after the flood. It was the first country in the world to officially embrace Christianity as its religion (c. A.D. 300).In the 6th century B.C. , Armenians settled in the kingdom of Urartu (the Assyrian name for Ararat), which was in decline. Under Tigrane the Great (fl. 95–55 B.C. ) the Armenian empire reached its height and became one of the most powerful in Asia, stretching from the Caspian to the Mediterranean seas. Throughout most of its long history, however, Armenia has been invaded by a succession of empires. Under constant threat of domination by foreign forces, Armenians became both cosmopolitan as well as fierce protectors of their culture and tradition. Over the centuries Armenia was conquered by Greeks, Romans, Persians, Byzantines, Mongols, Arabs, Ottoman Turks, and Russians. From the 16th century through World War I, major portions of Armenia were controlled by their most brutal invader, the Ottoman Turks, under whom the Armenians experienced discrimination, religious persecution, heavy taxation, and armed attacks. In response to Armenian nationalist stirrings, the Turks massacred thousands of Armenians in 1894 and 1896. The most horrific massacre took place in April 1915 during World War I, when the Turks ordered the deportation of the Armenian population to the deserts of Syria and Mesopotamia. According to the majority of historians, between 600,000 and 1.5 million Armenians were murdered or died of starvation. The Armenian massacre is considered the first genocide of the 20th century. Turkey denies that a genocide took place and claims that a much smaller number died in a civil war.read more: Armenia: Maps, History, yerevanvideo.com Geography, Government, Culture