Հայաստանը գրաւիչ կը դառնայ զուիցերացի զբօսաշրջիկներու համար... ՀՀ Բանակի զօրանոցներէն մէկուն մէջ դիակ յայտնաբերուած է... Մոսկուայի մէջ բազմահազարանոց ցոյցեր տեղի ունեցան (Լուսանկարներ)... Սինկափուրեան խոլորձը, Գլխաւոր թերթն ու հայերը...
Հայոց Ցեղասպանութեան սուրբ նահատակներու ոգեկոչման արարողութիւնները Ծիծեռնակաբերդի յուշահամալիրին եւ Մայր Աթոռ Սուրբ Էջմիածնի մէջ
Հայոց Ցեղասպանութեան սուրբ նահատակներու ոգեկոչման արարողութիւնները Ծիծեռնակաբերդի յուշահամալիրին եւ Մայր Աթոռ Սուրբ Էջմիածնի մէջ
24 Ապրիլ 2019 , 18:24

24 Ապրիլին Ն.Ս.Օ.Տ.Տ. Գարեգին Երկրորդ Ծայրագոյն Պատրիարք եւ Ամենայն Հայոց Կաթողիկոսը Մայր Աթոռի միաբաններու ուղեկցութեամբ այցելեցին Ծիծեռնակաբերդի յուշահամալիր, ուր ծաղկեպսակներու զետեղումէն ետք, նախագահութեամբ Վեհափառ Հայրապետի եւ ներկայութեամբ Հայաստանի Հանրապետութեան նախագահ Արմէն Սարգսեանի, ՀՀ վարչապետ Նիկոլ Փաշինեանի, ՀՀ ԱԺ նախագահ Արարատ Միրզոյեանի ու պետական այրերու, կատարուեցաւ Հայոց Ցեղասպանութեան սուրբ նահատակներու բարեխօսական կարգ: 

Նոյն օրը Մայր Աթոռ Սուրբ Էջմիածնի միաբանութիւնը Սուրբ Գայեանէ վանքին մէջ մասնակցեցաւ Պատարագի սրբազան արարողութեան: Այս առիթով հաւատացեալներու խոնարհումի համար դուրս բերուած էր Հայոց Ցեղասպանութեան սուրբ նահատակաց մասունքարանը:

Պատարագիչն էր Մայր Աթոռի միաբան, Հայ Եկեղեցւոյ Համաշխարհային Երիտասարդական միաւորման (ՀԵՀԵՄ) հոգեւոր տեսուչ, կեդրոնական գրասենեակի տնօրէն Հոգեշնորհ Տ. Թովմա վարդապետ Խաչատրեանը:

Սուրբ Պատարագի ընթացքին Հոգեշնորհ Հայր Սուրբը, անդրադառնալով  օրուայ խորհուրդին, ի մասնաւորի նշեց. «....Արդեօ՞ք Աստուած կը ցանկար, որ տեղի ունենար ցեղասպանութիւնը, եւ երկրորդ՝ ու՞ր էր Քրիստոս:

Նախ ինչու՞ Աստուած թոյլ տուաւ մեր ժողովուրդի դաժան կոտորածը: Այս հարցին առջեւ պէտք է դնել մէկ այլ հարց` արդեօ՞ք Աստուած կը ցանկար Իր Որդիի չարչարանքներն ու մահը: Իմանալով Աստուծոյ բարութիւնն ու սէրը, գթութիւնն ու ողորմածութիւնը՝ կրնանք ըսել, որ Աստուած չէր կամենար այդ արիւնալի չարագործութիւնները: Մեր ժողովուրդը նոր Յոբ մըն էր: Իրապէս, աստուածաշնչեան Յոբի կերպարի մէջ կրնանք մարմնացած տեսնել մեր ժողովուրդի համբերութիւնը, նուիրուածութիւնը, առ Աստուած ունեցած հաւատարմութիւնը: Եթէ առաքեալը երանի կու տայ այն մարդուն, անհատին, որ փորձութեան մէջ իյնալով՝ չի կորսնցներ հաւատարմութիւնը առ Աստուած, ապա որքան առաւել եւս երանելի է ողջ ազգ մը, ողջ  հաւաքականութիւն մը, որ ընդունեց իր Գողգոթան, խաչուեցաւ, կորսնցուց ու, թուաց, թէ կորսուեցաւ, բայց, ահաւասիկ,  կը խօսինք մեր լեզուով, կը հաւատանք մեր կրօնով եւ կը վայելենք արդէն սրբացած մեր բիւրաւոր նահատակներու բարեխօսական օրհնութիւնը:

Ու՞ր էր Քրիստոս, երբ ողջ ժողովուրդ մը սուրի կը քաշուէր եւ կ'ոչնչացուէր: Մեր Տէր Յիսուս Քրիստոս Իր ժողովուրդի մէջ էր, կը չարչարուէր անոր հետ միասին եւ կրկին կը լսուէր գոչիւնը սաստիկ. «Էլի՜, Էլի՜, լամա՞յ սաբաքթանի, Աստուա՜ծ իմ, Աստուա՜ծ իմ, ինչու՞ թողեցիր ինձ» (Մատթ. 27.46):

Այո՛, ցեղասպանութեամբ սրբացած մեր նախնիները հանդիպեցան Քրիստոսի անուան համար երբեւէ տեղի ունեցած ամենամեծ չարիքին»:

Հայր Թովման խօսեցաւ նաեւ ցեղասպանութիւն իրագործած պետութեան եւ ժողովուրդի ժառանգներուն հանդէպ ներողամտութիւն դրսեւորելու վերաբերեալ:

«Ներման մասին կրնայ խօսք ըլլալ միայն, եթէ մեղաւորը կը զղջայ, կը խոստովանի կատարած յանցանքը եւ պատրաստակամութիւն կը դրսեւորէ փոխհատուցելու վնասը: Ի հարկէ, մեր պարագային անհնար է խօսիլ փոխհատուցումի մասին, քանի որ բարոյական վնասը այնքան խոր ու անբովանդակ է, որ թէ՛ եկեղեցական եւ թէ՛ աշխարհիկ իրաւական չափանիշներով հնարաւոր չէ մեր ժողովուրդին պատճառած վնասի փոխհատուցումը սահմանել»,- հաստատած է Հայր Սուրբը՝ աւելցնելով, որ աշխարհը պարտաւոր է ճանչնալ Հայոց Ցեղասպանութիւնը նախ եւ առաջ ինքն իր համար, որպէսզի չկրկնուին հոլոքոսթները, Ռուանտայի եւ Նիճերիայի ժողովուրդներու ցեղասպանութիւնները, որպէսզի աշխարհի երեսէն իսպառ վերանայ յանցագործութիւններու յանցագործութիւնը՝ ցեղասպանութիւնը:

Թովմա վարդապետը ընդգծած է, որ ցեղասպանուած հայ ժողովուրդի սուրբ նահատակներու պատգամը այսօրուան իր սերունդին` առաւել հաւատքի մարդ, աշխատասէր ու տքնաջան, հայրենի հողին կառչած ու միասնական ըլլալն է:

Աւարտին Հայր Սուրբը յորդորեց ամէնուն զօրանալ Տիրոջ Սուրբ Յարութեան շնորհներով, աղօթել մէկը միւսի համար, ըլլալ միաբան ու միասնական եւ բիւրաւոր սուրբ նահատակներու զօրաւոր բարեխօսութիւնը հովանի ըլլայ բոլորին վրայ:

Սուրբ Պատարագի աւարտէն ետք, նախագահութեամբ Ամենայն Հայոց Կաթողիկոսի, Մայր Տաճարի շրջափակին մէջ` Աղօթքի եւ ուխտի խաչքարի առջեւ, կատարուեցաւ Հայոց նահատակներու բարեխօսական կարգը:

Լրահոս
Ամենաընթերցուած
Օրվա
Շաբաթվա
Ամսվա
One of the world's oldest civilizations, Armenia once included Mount Ararat, which biblical tradition identifies as the mountain that Noah's ark rested on after the flood. It was the first country in the world to officially embrace Christianity as its religion (c. A.D. 300).In the 6th century B.C. , Armenians settled in the kingdom of Urartu (the Assyrian name for Ararat), which was in decline. Under Tigrane the Great (fl. 95–55 B.C. ) the Armenian empire reached its height and became one of the most powerful in Asia, stretching from the Caspian to the Mediterranean seas. Throughout most of its long history, however, Armenia has been invaded by a succession of empires. Under constant threat of domination by foreign forces, Armenians became both cosmopolitan as well as fierce protectors of their culture and tradition. Over the centuries Armenia was conquered by Greeks, Romans, Persians, Byzantines, Mongols, Arabs, Ottoman Turks, and Russians. From the 16th century through World War I, major portions of Armenia were controlled by their most brutal invader, the Ottoman Turks, under whom the Armenians experienced discrimination, religious persecution, heavy taxation, and armed attacks. In response to Armenian nationalist stirrings, the Turks massacred thousands of Armenians in 1894 and 1896. The most horrific massacre took place in April 1915 during World War I, when the Turks ordered the deportation of the Armenian population to the deserts of Syria and Mesopotamia. According to the majority of historians, between 600,000 and 1.5 million Armenians were murdered or died of starvation. The Armenian massacre is considered the first genocide of the 20th century. Turkey denies that a genocide took place and claims that a much smaller number died in a civil war.read more: Armenia: Maps, History, yerevanvideo.com Geography, Government, Culture