Թուրքիոյ ձեռներէցներու եւ երկրի նախագահ Ռեճէպ Թայէպ Էրտողանի յարաբերութիւններուն մէջ լարուածութիւնը նոր մակարդակի հասած է այն բանէն ետք, երբ ան քննադատած է Թրքական արդիւնաբերութեան եւ պիզնեսի միութեան ու երկրի ամենահարուստ մարդոցմէ մէկուն՝ Թունճայ Օզիլհանին, կը փոխանցէ Bloomberg-ը:
«Թուրքիոյ մէջ ինչպիսին էր բնակչութեան մէկ շունչին ինկնող եկամուտը 17 տարի առաջ, եւ ինչպիսին է հիմա»,- յայտարարած է Էրտողանը: «Դուն տնտեսապէս ի՞նչ մակարդակի էիր այն ժամանակ եւ ո՞ւր ես հիմա,- հարցուցած է ան՝ դիմելով Օզիլհանին: - Այդ ժամանակէն սկսած որքանո՞վ աճած է ձեր ընկերութիւնը եւ որքա՞ն ուժեղ դարձած են ձեր ընկերները: Դուք սա ոչ մէկ անգամ չէք գնահատա՞ծ»:
Նախագահի յայտարարութեան հետեւած է Օզիլհանի կողմէ երկրի տնտեսական քաղաքականութեան խիստ քննադատութիւն: Anadolu Group-ի 71-ամեայ ղեկավարը յայտարարած էր, որ Թուրքիան կա՛մ կը հետեւի ժողովրդավարութեան համընդհանուր սկզբունքներուն, կա՛մ «կը դառնայ ինչ-որ ուրիշ բան»:
Օզլիհանը նաեւ յայտարարած էր, որ ազգը պէտք է «յաղթահարէ իր կառավարման համակարգի խնդիրները». գործադիր իշխանութեան նախագահական համակարգի նրբօրէն քողարկուած քննադատութիւն, որ իշխանութիւնը կը կեդրոնացնէ Էրտողանի ձեռքը:
«Ես գիտեմ, թէ ձեր գործերը ինչպիսին էին 17 տարի առաջ, եւ ինչպիսին են հիմա,- պատասխանած է Էրտողանը: - Անհրաժեշտութեան պարագային կրնամ հրապարակայնացնել (այդ տեղեկութիւնը): Ես գիտեմ ինչպէս պատասխանատւութեան ենթարկել անոնց, որոնք ներսէն Թուրքիոյ կը հարուածեն»:
Նշենք, որ Օզլիհանը Թուրքիոյ մէջ 94-րդ ամենահարուստ մարդն է: