Եվրոպայի orer.eu-ն, Ավստրիայի «Արարատ» Մարզական Միությանը հղում անելով տեղեկացնում է, որ հունիսի 25-ին Վիեննայում, երկարատեւ հիվանդությունից հետո, 99 տարեկան հասակում իր մահկանացուն է կնքել հայտնի գործարար, ազգային բարերար, հասարակական ու համայնքային գործիչ Կարպիս Փափազյանը։ Նրա ցանկությամբ է Ավստրիայում հիմնվել ՀԲԸՄ «Կարպիս Փափազյան» մրցանակը, որը տրվում է մինչև հիմա:
Կարպիս Փափազյանը ծնվել է 1920 թվականին՝ Բուլղարիայի Սլիվեն քաղաքում։ 1940 թվականին տեղափոխվել է Վիեննա: Ունեցել է համայնքային հարուստ գործունեություն: Փափազյանը եղել է Գարեգին Նժդեհի թիկնապահը՝ Եվրոպայում: