17.09c
Երեվան
երկ, մյս 20
Ինչպես հաղորդել էինք, անցած գիշեր լարված է եղել իրավիճակը` Ստամբուլի հայկաբնակ թաղերում: Իրադրությունն այս պահին շարունակում է լարված մնալ Ստամբուլի մի շարք թաղամասերում: Մեր աղբյուրները հաստատում են, որ անցած գիշեր թուրք ազգայնականների խմբեր հարձակվել են Ստամբուլի հայաբնակ Շիշլի, Քուրթուշլու եւ նախկին հայաբնակ Բեշիկթաշ թաղերի վրա: Հարձակումը, ինչպես հաղորդում է մեր աղբյուրը, եղել է ծրագրված. ազգայնականները հանդես են եկել հատուկ կոչերով` «Այս թաղերը պիտի դարձնենք հայերի եւ քրդերի գերեզմաններ»:
Հայկական թաղերի վրա այս հարձակումը Թուրքիայի վերջին իրադարձությունների հետեւանքներից է. ինչպես հայտնի է` Թուրքիայում աննախադեպ բախումներ են տեղի ունենում PKK-ի եւ թուրքական բանակի միջեւ, ինչի հետեւանքով երկու կողմից էլ զոհեր կան:
Քիչ առաջ «Արեւելքին» հաջողվեց տեսանյութ ստանալ Ստամբուլի հայկական թաղամասերից. տեսանյութում երեւում է` ինչպես են ազգայնականները թուրքական դրոշը փռած գոչյուններով անցնում հայաբնակ թաղերով: Նրանք վանկարկումներ են անում հայերի եւ քրդերի հասեցին:
Ստամբուլի մեր աղբյուրը հաղորդում է, որ հայաբնակ շատ տներում լույսերը մարված են պահում. մարդիկ զգուշանում են իրավիճակի սրացումից:
լուսանկարը` արխիվից
