Սաատ Հարիրի ե՞րբ պիտի վերադառնայ Պէյրութ... Սահմանին յարաբերական հանգիստը կը շարունակուի... Սէուտական Արաբիա միլիոնաւոր տոլարներ կը տրամադրէ լիբանանցի ղեկավարներու.. պատճառը «Հըզպալլա»ն է... Ռոն Թորոսեան վարձուած է Թուրքիոյ ի նպաստ PRի համար. Արդեօք ան իրապէս հա՞յ Է...
Սևակ Արծրունի. Փոքր Ասիայի ժողովուրդների քաղաքական հետագա գոյության համար ձևավորվում են լուրջ հեռանկարներ
Սևակ Արծրունի. Փոքր Ասիայի ժողովուրդների քաղաքական հետագա գոյության համար ձևավորվում են լուրջ հեռանկարներ
04 Փետրուար 2017 , 13:57

Արևմտահայոց Ազգային համագումարի քարտուղար Սևակ Արծրունին Բեռլինում հունվարի 28-29-ը տեղի ունեցած Փոքր Ասիայի ժողովուրդների կոնֆերանսը համարում է աննախադեպ, որը, ըստ նրա, վերջին մի քանի հարյուրամյակում առաջին նախադեպն էր և լի էր խոշոր ներուժով: Կոնֆերանսին մասնակցում էին 4 երկրների խորհրդարանների 4 անդամներ, 5 քաղաքական կուսակցությունների ներկայացուցիչներ և 15 քաղաքացիական կազմակերպություններ, որոնք քննարկեցին ընդհանուր հարցեր, ստեղծեցին նախաձեռնություն և դաշտ բացեցին՝  նոր եւ հետագա քննարկումների համար:

Նշված կոնֆերանսում Սևակ Արծրունին հանդես է եկել առաջարկով: «Արևելք»-ի հետ հարցազրույցում նա ներկայացնում է քննարկումների արդյունքները և իր առաջարկի նպատակը: 


 

-Պարոն Արծրունի, 2017թ. հունվարի 28-29-ը Բեռլինում տեղի ունեցավ Փոքր Ասիայի ժողովուրդների  Միացյալ իրավունքներ խորագրով Կոնֆերանսը: Կարո՞ղ եք մի քանի բառով հակիրճ բնութագրել այդ կոնֆերանսը, որին նաև մամուլը արձագանքեց:  Ի՞նչ էր այն իր բնույթով:

 

-Այն միաժամանակ և՛ գիտաժողով էր և՛ խորհրդաժողով: Այսինքն մենք կարող ենք հաստատ ասել, որ հավաքվածները կարողացան միաժամանակ առաջընթաց արձանագրել և բյուրեղություն մտցնել ցեղասպանագիտության և Փոքր Ասիայի ժողովուրդների պահանջատիրության տեսական սկզբունքների մեջ: Շուտով կհրապարակվեն ելույթները և կտեսնեք թե ինչպիսի լուրջ և բացահայտումներով լեցուն ելույթներ եղան այնտեղ: Սակայն այն գիտաժողովի շրջանակներից անցավ համագումարի, և հունվարի 29-ին ներկաները կարողացան, որպես Փոքր Ասիայի ժողովուրդների ներկայացուցչական մարմիններ, կամուրջներ ստեղծել հետագա երկխոսության և համագործակցության համար:

Կարող եմ ասել որ Փոքր Ասիայի ժողովուրդների միջև ստեղծվեց գործելու ազատ բեմ, որտեղ գործնականորեն շատ բան կարելի է հիմա՛ կյանքի կոչել: Սա վերջին մի քանի հարյուրամյակում առաջին նախադեպն էր և լի էր խոշոր ներուժով: Ձեւավորվեցին լուրջ հեռանկարներ այս ժողովուրդների քաղաքական հետագա գոյության համար:

 

-Ինչո՞ւ այն կազմակերպվեց Հրանտ Դինքի սպանության տասնամյակին:

 

-Հրանտ Դինքին այսօր երկրպագում են բոլորը, նույնիսկ քուրդ, թուրք և հայ ազգայնականները: Սակայն բոլորը չէ, որ պարկեշտ են այստեղ: Որովհետև Հրանտ Դինքը գործում և արտահայտվում էր ազգերի ազատության և Թուրքիայի տարածքային ամբողջականության շրջանակներում:

Նա ասում էր մոտավորապես հետևյալը. մեր բոլոր ժողովուրդների քաղաքական հարցերի լուծումը գտնվում է ժողովրդավար Թուրքիայի մեջ և եթե Թուրքիայում բազմակարծություն ձևավորվի, եթե Թուրքիան դառնա ժողովրդավար, ապա Թուրքիայի սահմաններում, իրենց հայրենի տարածքներում նորից կվերահաստատվեն հայերն ու հույները, քրդերը կապրեն ազատ, և Թուրքիայի բոլոր փոքրամասնությունները իրավունք կստանան ազատության մեջ վերականգնել իրենց էթնիկ, կրոնական, լեզվական ինքնահատկությունները: Նա հավատում էր Թուրքիայի Եվրոպական ապագային:

Ահա թե ինչու 28-29-ի Կոնֆերանսը հիմնադրեց աշխատանքային խորհուրդ, որը կրում է Հրանդի սպանության օրվան անունը.  «19 Հունվար Նախաձեռնություն»:

 

-Ինչո՞ւ է Արևմտահայոց Ազգային Համագումարը նախաձեռնել այս միջոցառումը:

 

-Հայկական ցեղասպանության 100-րդ տարելիցի առթիվ Փարիզում՝ Արևմտահայոց 4-րդ Համագումարը  հայտարարեց, որ հայերի  կրած վնասը հայրենիքի կորուստն էր, որ հայերը ոչ միայն զրկվել են իրենց հայրենիքից, այլ նաև բնաջնջվել է նրանց հայրենի միջավայրը: Փարիզում միաժամանակ նաեւ հայտարարվեց, որ Փոքր Ասիան, հազարավոր տարիներ համարվել է հայերի բնակավայրը, սակայն ոչ միայն հայերի, այլեւ տասնյակ էթնիկ եւ կրոնական խմբերի հայրենիքը:

Փարիզի չորրորդ Համագումարի որոշումների ուղիով, կազմակերպությունը 2016 թվականի ապրիլին կազմեց Փոքր Ասիայի ժողովուրդների համագործակցության հատուկ հանձնաժողով եւ ինձ նշանակեց այդ խորհուրդի համակարգող:

Այդ Խորհուրդի առաջին գործը եղաւ այս՝ 28-29-ի խորհրդաժողովը, երկրորդը՝ «19 Հունվար»  Նախաձեռնության ստեղծումը:

 

-Դուք Բեռլինից ԶԼՄներով հայտարարեցիք որ այս նախաձեռնությունը մեկ տարվա ընթցացքում հիմնադրելու է Փոքր Ասիայի Ժողովուրդների Լիգա: Ի՞նչ կարող եք ասել այդ մասին, ի՞նչ է լինելու դա:

 

-Այո, նման առաջարկով ես հանդես եմ եկել այնտեղ, հունվարի 29-ին: Առաջարկը ողջունվել է եւ շարունակում է ողջունվել բոլորի կողմից: Հիմա պետք է աշխատել եւ այդ մեծ նախագիծը իրականություն դարձնել;

 

-Կստացվի՞:

 

-Անշուշտ կստացվի: Հարկավոր է ունենալ տեսլական եւ կամք եւ լինել հետեւողական: Բայց ամենակարեւորը՝ անհրաժեշտ է լինել պարկեշտ սեփական համոզմունքների նկատմամբ:

 

Լրահոս
Ամենաընթերցուած
Օրվա
Շաբաթվա
Ամսվա
One of the world's oldest civilizations, Armenia once included Mount Ararat, which biblical tradition identifies as the mountain that Noah's ark rested on after the flood. It was the first country in the world to officially embrace Christianity as its religion (c. A.D. 300).In the 6th century B.C. , Armenians settled in the kingdom of Urartu (the Assyrian name for Ararat), which was in decline. Under Tigrane the Great (fl. 95–55 B.C. ) the Armenian empire reached its height and became one of the most powerful in Asia, stretching from the Caspian to the Mediterranean seas. Throughout most of its long history, however, Armenia has been invaded by a succession of empires. Under constant threat of domination by foreign forces, Armenians became both cosmopolitan as well as fierce protectors of their culture and tradition. Over the centuries Armenia was conquered by Greeks, Romans, Persians, Byzantines, Mongols, Arabs, Ottoman Turks, and Russians. From the 16th century through World War I, major portions of Armenia were controlled by their most brutal invader, the Ottoman Turks, under whom the Armenians experienced discrimination, religious persecution, heavy taxation, and armed attacks. In response to Armenian nationalist stirrings, the Turks massacred thousands of Armenians in 1894 and 1896. The most horrific massacre took place in April 1915 during World War I, when the Turks ordered the deportation of the Armenian population to the deserts of Syria and Mesopotamia. According to the majority of historians, between 600,000 and 1.5 million Armenians were murdered or died of starvation. The Armenian massacre is considered the first genocide of the 20th century. Turkey denies that a genocide took place and claims that a much smaller number died in a civil war.read more: Armenia: Maps, History, yerevanvideo.com Geography, Government, Culture