Ինը տարիէի ի վեր Հոլանտա բնակող երկու զաւակներու հայ մայր մը վտարուած է երկրէն: Այս մասին լուրը կը փոխանցէ «Նիլ թայմզ» գործակալութիւնը: Աղբիւրը նոյնպէս կը յայտնէ, որ երկրի պատմութեան մէջ առաջին անգամ ըլլալով նման դէպք մը կը գրանցուի յիշեցնելով, որ անչափահաս երեխաներ կը կոչուին Յովիկ (12 տարեկան) եւ Լիլի (11տարեկան):
Աղբիւրին փոխանցմամբ դէպքին առթիւ բողոքի յայտարարութեամբ հանդէս եկած է Հոլանտայի երեխաներու պաշտպանութեան մարմինը, որ դէպքը դատապարտելէ բացի պետական մարմինները պահանջած է յետս կոչել առնուած որոշումը, որ խախտում է մարդկային իրաւանց բոլոր որոշումներուն:
Երկրի դատական մարմինները նոյն դէպքին առընթեր հաղորդագրութիւն մը հրապարակած են յայտնելով, որ հայասատանցի կնոջ Հոլանտա մնալը անօրինական է եւ ան պէտք է դուրս դրուի երկրէն:Այդ մարմինը նաեւ հաւաստած է, որ կինն ու երկու երեխաները թուականէն ի վեր կ'ապրէին Հոլանտա եւ պետական մարմիններ բազում անգամներ զգուշացուցած են զանոնք, որ կնոջ կեցութեան փաստաթուղթերը հակաօրինական են եւ ան դուրս պիտի դրուի երկրէն:
Մինչ երեխաներու գտնուած վայրին մասին տեղեկութիւն չի փոխանցուի աղբիւրը նաեւ կը հաղորդէ, որ երկրէն հեռացուած մայրը «տարուած է» Փարիզ, ուրկէ ալ պիտի մեկնի դէպի Հայաստան:
Իր կարգին հայորդիներուն բնակած շրջանի եկեղեցւոյ պատասխանատուները հաղորդած են, որ Հոլանատայէն դուրս եկած հայուհին ապահով է եւ ան կը գտնուի Հայաստան:
Կը փոխանցուի նաեւ, որ երկու երեխաներու յաճախած դպրոցի աշակերտները դէպքէն ետք բողոքի հաւաք մը կատարած են յայտարարելով, որ եղածը մարդկային իրաւանց կոպիտ խախտում է եւպահանջելով վերատեսութեան ենթարկել երկու զաւակներու մօր Հոլանտայէն հեռացուիլը: