Պէյրութի մէջ այս առաւօտ վախճանած է երախտաշատ եւ նուիրեալ կրօնաւոր Տ. Անդրանիկ Անդրանիկ ծ.վրդ. Կռանեանը: Այս մասին «Արեւելք» տեղեկութիւն ստացաւ Պէյրութի իր աղբիւրէն: Մեր աղբիւրը նաեւ յայտնեց, որ վարդապետը իր հոգին աւանդած է այսօր վաղ առաւօտուն Զմմառու վանքի իր սենեակին մէջ:
Հակառակ յառաջացեալ տարիքին, Անդրանիկ ծ. վարդապետը մինչեւ վերջին շունչը մնաց պատնէշի վրայ:
Հայութեան տագնապներով տրոփող անոր սիրտը այս առաօտ դադրեցաւ գործելէ, եւ ան գնաց միանալու մեր ազգի երախտաւոր եւ անձնուէր զինուորեալներու փաղանգին:
Այս առթիւ «Արեւելք» իր խորազգաց ցաւակցութիւնները կը յայտնէ համայն հայ ժողովուրդին եւ մասնաւորապէս Արծիւեան Միաբանութեան, որուն անշէջ լոյսերէն մին էր վախճանեալ վարդապետը: