Մահացեր է ֆրանսահայ երգահան, դաշնակահար Միշէլ Լեկրանը: Ֆրանսական ռատիօն կը տեղեկացնէ, որ «Շերպուրկեան հովանոցներ» եւ այլ աշխարհահռչակ ստեղծագործութիւններու հեղինակը մահացած է 86 տարեկանին՝ Փարիզի մէջ: Փետրուարին Լեկրան պիտի դառնար 87 տարեկան:
Լեկրանը աւելի քան 800 ստեղծագործութեան հեղինակ է, որոնք հնչած են 250 ֆիլմի մէջ, ան ձայնագրած է աւելի քան 100 ալպոմ։ Հայ երաժիշտը քանի մը անգամ եղած է նաեւ հայրենիք, անոր տրուած է Հայաստանի Պատուոյ շքանշան:
Մեր հայրենակիցը ԱՄՆ ազգային շարժանկարի մրցանակի՝ «Օսքար»-ի եռակի, «Կրեմմի»-ի հնգակի եւ «Ոսկէ կլոպուս»-ի դափնեկիր է, համագործակցած է իր միւս հռչակաւոր հայրենակցի՝ Շարլ Ազնաւուրի հետ: