Վաղը՝ 7 ապրիլին, ժամը 10:00-ին, տեղի պիտի ունենայ Ստեփանակերտի Աստուածամօր Սուրբ Յովանի Մայր Տաճարի օծման եւ բացման պաշտօնական արարողութիւնը:
Ինչպէս կը տեղեկացնեն Արցախի թեմի առաջնորդարանէն, տաճարի օծման առաջին փուլը, որ կը կոչուի «լուացում», տեղի պիտի ունենայ այսօր՝ 6 ապրիլի երեկոյեան: Իսկ վաղը՝ ժամը 10:00-ին, տեղի պիտի ունենայ Աստուածամօր Սուրբ Յովանի Մայր Տաճարի օծման արարողութիւնը: Ժամը 11:00-ին ալ Գարեգին Բ Ամենայն հայոց կաթողիկոսի ձեռամբ պիտի մատուցուի առաջին պատարագը:
Հանդիսաւոր արարողութեան ներկայ պիտի ըլլան Մայր տաճարի կառուցման առաջին բարերար լուսահոգի Հրանդ Վարդանեանի երկու որդիները՝ Կարէն եւ Միքայէլ Վարդանեանները. անոնց ընտանիքը ընդհանուր առմամբ նուիրաբերած է 400 միլիոն դրամ: Միջոցառման պիտի մասնակցին նաեւ Մայր Աթոռ Սուրբ Էջմիածնի հոգեւոր դասի ներկայացուցիչներ, Մայր տաճարի այլ հովանաւորներ, պետական այրեր, հիւրեր եւ այլք:
Միացիր մեզ Տելեգրամում
Միացիր մեզ Յութուբում
Կիսուիլ
