Օրերս ցամաքի ճամբով Պաղտատէն Երեւան հասնիլ փորձող առաջին հանրակառքի ճամբորդութիւնը խափանուած է։ Այս մասին տեղեկութիւնը կը հաղորդէ իրաքեան «Ալ Հատաս» կայանը նշելով, որ Իրան-Հայաստան սահմանային հատուածին վրայ Պաղտատէն հասնող հանրակառքի վարորդը ձերբակալուած է ՀՀ իրաւապահ մարմիններուն կողմէ։
Աղբիւրը նաեւ կը հաղորդէ, որ իրաքցի վարորդը իր հետ ունեցած է արգիլուած նիւթեր, որուն համար ալ ուղղաթիռով փոխադրուած է Երեւան։
Տրուած ըլլալով, որ եղածը Պաղտատ-Երեւան գիծի առաջին ճամբորդութիւնն էր, հանրակառքին մէջ ուղեւորներ չեն եղած։
Վարորդի ճակատագրին մասին տեղեկութիւններ չեն հաղորդուիր։
Նշենք, որ լուրը տրուած է իրաքեան «Ալ Հատաս» կայանին կողմէ։