image

Հազարաւոր լիբանանցիներ բողոքի ցոյցեր կը կատարեն. Բախումներ քաղաքի կեդրոնական շրջաններուն մէջ

Հազարաւոր   լիբանանցիներ  բողոքի ցոյցեր կը կատարեն. Բախումներ  քաղաքի  կեդրոնական  շրջաններուն մէջ

Հազարաւոր    լիբանանցիներ    երեկոյեան ժամերէն սկսեալ   բողոքի  ցոյցերու  մասնակցած են։

 Այս  մասին տեղեկութիւնը   հաղորդեց «Ալ Արապիա»  կայանը նշելով  նաեւ, որ  բողոքի  ցոյցերուն մասնակցիները    կը պահանջեն    վարչապետ Սաատ Հարիրիի     հրաժարականը։

 Կը նշուի, որ  երկրին մէջ      իրավիճակի  թէժացումը  անմիջական կապ ունի տնտեսական   իրավիճակի     բարդացման եւ տարբեր մակարդակներու  վրայ   երեւցած   տագնապներուն  հետ։

 

 Վառելանիւթի  տագնապ, հացի  տագնապ,   ամերիկեան տոլարի  սակի     անկանխատեսելի  աճ   եւ տարբեր պատճառներ  հիմք  հանդիսացած են, որ   տարբեր համայնքներու անդամ   հազարաւոր  երիտասարդներ    երեկոյեան ժամերէն  սկսեալ  փակեն     Պէյրութի    տարբեր   փողոցները։

 

Կը  նշուի նաեւ, որ    նոյն ծիրէն ներս բախումներ եղած են մէկ կողմէ  ցուցարարներուն եւ միւս կողմէ  ապահովական մարմիններուն միջեւ։

  Մայրաքաղաք  Պէյրութի   կեդրոնական   շրջաններուն մէջ իրավիճակն   մինչեւ այս պահը կը շարունակէ  մնալ  լարուած։