13.09c
Երեվան
երք, ապր 16
Լիբանանի մէջ բողոքի ալիքը նոր թափ հաւաքած է եւ տասնեակ կարեւոր ճանապարհներ կը մնան փակուած։
Երէկ գիշեր սկսած բողոքի գործողութիւնները մինչեւ այս պահը կը շարունակուին եւ Պէյրութ տանող տասնեակ ճանապարհներ փակուած են։ Բողոքարարներ մասնաւորապէս նախագահ Աունի երէկուան զրոյցէն անմիջապէս ետք անիւներ հրկիզեցին եւ անոնցմէ շատեր պահանջեց վերջինիս հրաժարականը։
Կը նշուի նաեւ, որ հակառակ Պաապտայի աղբիւրներուն կողմէ եղած հերքումներուն, Աունի «Եթէ չէք հաւնիր ինձ ապա կարող էք արտագաղթել» խօսքը ժխտական մեծ հնչեղութիւն ունեցած է։
Ցուցարարներու մօտիկ աղբիւր մը, խօսելով կայանին, նշած է, թէ այսօր համապետական գործադուլի օր է եւ իրենք պիտի շարունակեն մնալ փողոցը այնքան ատեն, որ իրենց պահանջներուն վերջնական գոհացում չէ տրուած։
Յիշեցնենք, որ այսօր Լիբանանի ցոյցերու ալիքին 28 -րդ օրն է եւ ցուցարարները կը պահանջեն ոչ քաղաքական մասնագէտներու կառավարութեան մը կազմութիւնը, որուն մաս պիտի չկազմեն քաղաքական վերնախաւի յայտնի անունները։
