Միացեալ Նահանգներու Լոս Անճելոս քաղաքին մէջ մահացած է Ճէֆրի Ղազարեանը։
«Արեւելք» այս մասին տեղեկացաւ ԱՄՆ-ի իր աղբիւրէն։
Մեր աղբիւրը նաեւ նշեց, որ Լոս Անճելըսի բնակիչ Ճէֆրի Ղազարեանը, որ վերջերս այցելած էր Ֆլորիտա, վերադարձին ունեցած է առողջական բարդութիւններ եւ արագօրէն փոխադրուած է հիւանդանոց։
Քննութիւններէն ի յայտ եկած է, որ Ճէֆրիի մօտ առկայ է «Քորոնա» վարակ, եւ հակառակ բժիշկներու՝ հայ երիտասարդի կեանքը փրկելու փորձերուն, հիւանդանոց մուտք գործելէ 5 օր ետք Ճէֆրին աւանդած է իր հոգին։ Մեր տուեալներուն համաձայն Ճէֆրին նախքան հիւանդանալը ունեցած է առողջական լուրջ բարդութիւններ, բան մը որ մեծապէս նպաստած է հանգուցեալի մարմնին մէջ մահացու վարակի ուռճացման։
Հանգուցեալը 34 տարեկան էր։