Հարգելի՛ հայրենակիցներ,
Մինչ զարգացած երկրներում վարակվածների քանակն աստիճանաբար նվազում է, Հայաստանում թվերը դեռ ավելանում են:
Այլ երկրների փորձը ցույց է տալիս, որ մարդկանց միջև հեռավորության պահպանումը, դիմակների պարտադիր կրումն ու իշխանությունների հաստատած այլ անհրաժեշտ կանոնների պահպանումը օգնում են վարակի տարածումը կանխարգելելուն ու դրա վերացման դեմ պայքարի արդյունավետությանը:
Ուստի, Ամերիկայի Հայ Ավետարանչական ընկերակցության անունից կոչ եմ անում պահպանել Պարետատան ընդունած բոլոր կանոնները և հեռու մնալ ամեն ինչ քաղաքականացնելուց:
Մեր պատմությունը ցույց է տալիս, որ միասնական ու միակամ լինելով՝ մենք կարողանում ենք ցանկացած դժվարություն հաղթահարել:
Եկե՛ք ազգովի խնդրենք Աստծու օգնությունը, պահենք առաջարկվող բոլոր կանոնները և օրինակ ծառայենք մեկս մյուսին, զերծ պահենք մեր երկիրն ու մեզ կորոնավիրուսի կործանարար ազդեցությունից: Աստված օգնական բոլորիս:
Հարութ Ներսեսսյան
Ամերիկայի Հայ Ավետարանչական ընկերակցության Հայաստանի ներկայացուցիչ