image

Յոյսի եւ միասնութեան կոչ. Յարութ Ֆազլեան ղեկավարած է Պաալպէքի փառատօնի գլխաւոր համերգը

Յոյսի եւ միասնութեան կոչ. Յարութ Ֆազլեան ղեկավարած է Պաալպէքի փառատօնի գլխաւոր համերգը

Լիբանանի Պեքքա դաշտավայրին մէջ գտնուող Պաալպէք պատմական քաղաքին մէջ, 5 Յունիսի գիշերը,  կայացաւ Պաալպէքի աւանդական երաժշտական փառատօնը, որ այս տարի, համավարակի պատճառով, հեռարձակուեցաւ հեռուստատեսութեամբ: Հազարաւոր հանդիսականներ հեռավար  հետեւեցան լիբանանահայ տաղանդաւոր երաժիշտ Յարութ Ֆազլեանի ղեկավարութեամբ Լիբանանի Ֆիլհարմոնիք նուագախումբի  համերգին՝  «Դիմադրութեան ձայնը» խորագրով։ Երաժշտական համադրութիւնը նուիրուած էր Լիբանանի եւ համայն աշխարհի այսօրուան աննախադէպ վիճակին: 

9000 տարուան պատմութիւն ունեցող Հռոմէական կայսրութեան աւերակներուն վրայ գտնուող Պաալպէքի նշանաւոր վայրին մէջ (որ Տիգրան Մեծի ժամանակ կոչուած է Արեւ-Քաղաք)  1955-էն իրականացուող միջազգային փառատօնը առաջին անգամ ըլլալով կը կայանայ առանց հանդիսատեսի ներկայութեան:

Կազմակերպիչները փառատօնը համարած են պատմական, իսկ հայ երաժիշտ Յարութ Ֆազլեանի գլխաւորած նուագախումբի՝ այս օրերուն չդադրող աշխատանքը՝ համախմբման եւ նաեւ արուեստի միջոցով վերածնման խորհրդանիշ: Փառատօնին ողջոյնի խօսքեր յղած են միջազգային այլ փառատօներու կազմակերպիչներ՝ աշխարհի տարբեր երկիրներէն, նշելով, որ երաժշտական Պաալպէքը յոյսի եւ միասնութեան կոչ կը տարածէ աշխարհին: