11.09c
Երեվան
ուրբ, ապր 19
Այսօր առաւօտեան 68 տարեկանին բանտին մէջ մահացած է հայազգի գործարար եւ բարերար Լեւոն Հայրապետեանը: Այս մասին «Արեւելք»ը տեղեկացաւ Լեւոն Հայրապետեանի մտերիմ ընկերոջմէ՝ Մացակ Փոլատեանէն: Բարերարի մահուան մասին տեղեկացուցած է նաեւ ՀՀ Արտաքին գործոց նախարարութեան մամլոյ խօսնակ Տիգրան Բալայեանը՝ անոր համարելով «հայ ազգի մեծ զաւակ»:
Լեւոն Հայրապետեան աւարտած է ՄՊՀ-ի Փիլիսոփայութեան ֆակուլտետը։ Որպես լրագրող աշխատած է «Կոմսոմոլսկայա պրավտա», «Սոպեսետնիկ» թերթերուն, «Օկոնյոկ» ամսագրին։ «Սովրեմեննիկ» հրատարակչական տան հիմնադիրն է։ Կը զբաղուէր նաթւի վաճառքի առեւտուրով։
Ան կը համարուի Լեռնային Ղարաբաղի ժամանակակից պատմութեան ամենախոշոր ներդրողը։ Անոր ծրագիրները իրագործուած են Ստեփանակերտի, Մարտակերտի շրջանի Վանք գիւղին մէջ։ Գործարարի միջոցներով 2000-2002 թուականներուն վերակառուցուած է հայկական հռչկաւոր Գանձասարի վանական համալիրը (13-րդ դար), որ Ղարաբաղի ամենաբարեկարգուած սրբավայրերէն մէկը կը համարուի։ Զգալի միջոցներ ներդրուած են Վանք գիւղի վանական համալիրի շրջակայքը տեղակայուած ենթակառուցուածքներու զարգացման գործին։ Կառուցուած է փայտամշակման գործարան, չինական խոհանոցով բարձրակարգ հիւրանոց, հանգստեան գօտիներ, դպրոց։ Լեւոն Հայրապետեանը իր վրայ վերցուցած էր նաեւ «Հիւսիս-Հարաւ» մայրուղիի այն հատուածի շինարարութեան ծախսերը, որ կ'անցնէր Գանձասարի վանական համալիրի շրջակայքով։
2007 թուականին Լեւոն Հայրապետեան ֆինանսաւորած է 2,5 միլիոն խորանարդ մեթր տարողութեամբ ջրամբարի կառուցումը Մարտակերտի շրջանը գտնուող Խաչէն գետի վրայ։ Միայն 26 մեթր բարձրութեամբ ամբարտակի կառուցումը արժած է 7 միլիոն տոլար։ Ապագայ ջրամբարի շուրջ որոշուած էր զբօսաշրջական ենթակառուցուածքի եւ հանգստեան գօտիներու կառուցումը։ «Մենք կը կարողանանք լուծել մի քանի խնդիր միանգամից. ձեռք բերել քաղցրահամ ջրի ահռելի պաշարներ, արտադրել ելեկտրաէներկիա, աշխատանքով ապահովել մօտակայ բոլոր գիւղերի բնակիչներին եւ աջակցել զբօսաշրջութեան զարգացմանը»,- մեկնաբանած է Լեւոն Հայրապետեանը։
Ան բազմաթիւ այլ բարեգործութիւններու հեղինակ է: Հայազգի բարերարի վերջին ցանկութիւնը եղած է, որ իրեն յուղարկաւորեն ծնողներու կողքին:
