Աւստրալիոյ ընդդիմադիր «Մէկ հայրենիք» կուսակցութեան անդամ Փոլին Հանսըն անսպասելի քայլով մը իսլամ կանանց յատուկ սեւ զգեստով մուտք գործած է խորհրդարան:
Այս մասին տեղեկութիւնը կը փոխանցէ «Պի. Պի. Սի.» կայանը: Աղբիւրը նոյնպէս կը նշէ, որ Հանսըն այս քայլին գացած է հանրութեան եւ իր պաշտօնակիցներուն ուշադրութիւնը նուրբ խնդրի մը հրաւիրելու նպատակով:
Իր կարգին երկրի արդարադատութեան նախարար Ճորք Պրանիս դէպքէն ետք լրագրողներուն խօսելով դատապարտած է Հանսընի արարքը նշելով, որ նման մօտեցումներ կրնան վիրաւորական ըլլալ երկրի փոքրամասնութեանց համար:
Նշենք, որ Աւստրալիոյ մէջ եւ յատկապէս վերջին տարիներուն վէճի առանցք սկսած է դառնալ հանրային վայրերուն մէջ կանանցսեւ գլխաշոր կրելու խնդիրը ու քիչ չեն այն քաղաքական կողմերը, որոնք դէմ են այդ երեւոյթին:
Յիշեցնենք, որ Հանսընի այս «աչք ծակող» արարքը կատարուա է Աւսրտալիոյ խորհրդարանին մէջ իսլամական լաչակ կրելու մասին տեղի ունենալիք քննարկումներէն առաջ: