image

Շրջանառութեան մէջ դրուած է «Հայաստանի պատմութեան թանգարանի 100-ամեակ» արծաթեայ յուշադրամը

Շրջանառութեան  մէջ դրուած է  «Հայաստանի պատմութեան  թանգարանի  100-ամեակ» արծաթեայ յուշադրամը


ՀՀ կեդրոնական դրամատունը 19 սեպտեմբերէն ի վեր շրջանառության մեջ  դրած է «Հայաստանի պատմութեան թանգարանի 100-ամեակ» արծաթեայ յուշադրամը:

ըստ ՀՀ Կեդրոնական Բանկին Հայաստանի պատմութեան թանգարանը (ՀՊԹ) հիմնադրուած է Հայաստանի առաջին Հանրապետութեան խորհրդարանի  9.09.1919 թուականին №439 օրէնքով, կազմաւորուելով Կովկասի հայոց ազգագրական ընկերութեան, Նոր Նախիջեւանի հայկական հնութիւններու թանգարաններու, Անիի Հնադարանի, Վաղարշապատի Մատենադարանի հաւաքածոներու հիման վրայ: Թանգարանի առաջին տնօրէնը եղած է յայտնի ազգագրագէտ Երուանդ Լալաեանը:

Թանգարանի առաքելութիւնը Հայաստանի եւ հայ ժողովուրդի պատմութիւնն ու մշակոյթը ներկայացնող թանգարանային առարկաներու եւ հաւաքածոներու պահպանումը, համալրումը, ուսումնասիրումը եւ հանրահռչակումն է:

Շուրջ 400000 առարկաներէ բաղկացած ազգային հաւաքածոն ներկայացուած է հնագիտութեան, ազգագրութեան, դրամագիտութեան եւ վաւերագրերու բաժիններով տալով Հայաստանի մշակոյթի եւ պատմութեան ամբողջական պատկերը նախապատմական ժամանակներէն մինչեւ մեր օրերը:

1948 թուականէն ՀՊԹ-ն կը հրատարակէ հայկական ճարտարապետութեան, հնագիտութեան, ազգագրութեան եւ պատմութեան նուիրուած գիտական աշխատութիւններ, հնագիտական պեղումներու զեկոյցներ:

Դիմերես` նմոյշներ ՀՊԹ հաւաքածոյէն` «Խմբաքանդակ` մարտակառքով» «Քարայծի արձանիկ», «Քառանիւ կառք», «Կաշիէ ոտնաման», «Զարդաթիթեղ առիւծի պատկերով»:

Դարձերես` ՀՊԹ շէնքը (ճարտարապետներ` Մարք Գրիգորեան, Էդուարդ Սարապեան) եւ պատկերանիշը, հայկական զարդանախշ:

Անուանական արժէքը         1000 դրամ

Մետաղը               արծաթ 9250

Կշիռքը՝                               33,6 կր.

Տրամագիծը                      40,0 մմ

Որակը                             բրուֆ

Դրամաշուրթը                   ատամնաւոր

Տպաքանակը                    500 հատ

Թողարկման տարին       2019

Էսքիզներու հեղինակն է Էդուարդ Կուրղինեան:

Հատուած է Լիթուանիոյ դրամահատարանի մէջ: