12.09c
Երեվան
չրք, ապր 17
Փարիզում 97 տարեկանում կյանքից հեռացել է ֆրանսիական արվեստում մեծ ներդրում ունեցած ևս մեկ հայազգի արվեստագետ՝ դերասան Նուբար Աճեմյանը, որ հայտնի էր Շառլ Ժերար անունով:
Շառլ Ժերարը ծնվել է Մարսելում (որոշ տվյալներով՝ Ստամբուլում): Նկարահանվել է շատ ֆիլներում, բայց նրան հռչակ և ճանաչում է բերել «Փամփուշտը տակառում» ֆիլմը։ Խաղացել է դերասաններ Ժան Պոլ Բելմոնդոյի, Պիեռ Ռիշարի, Լինո Վենտուրայի և այլոց հետ, աշխատել ֆրանսիական կինոյի հայտնի ռեժիսորների՝ Կլոդ Զադինի, Ֆրանսիս Վեբերի, Կլոդ Լելուշի, Անրի Վեռնոյի հետ։ 1970 թվականին ռեժիսոր Կլոդ Լելուշը նրան հրավիրել է նկարահանվելու «Անպիտանը» ֆիլմում, նրանք ընկերացել են, և դերասանն այնուհետև նկարահանվել է Լելուշի ևս 18 ֆիլմերում: Ժերարը ինքն էլ հետագայում նաև ռեժիսորությամբ է զբաղվել: Գրել է սցենարներ:
Շառլ Ժերարը մտերիմ է եղել նաև Շառլ Ազնավուրի հետ: Նրա ամենամտերիկ ընկերն էր ֆրանսիական կինոյի լեգենդ Ժան Պոլ Բելմոնդոն:
Ժան Պոլ Բելմոնդոն և Շառլ Ժերարը վերջին հրաժեշտն են տալիս Շառլ Ազնավուրին, 2018 թ.
