image

Մահացած է հայրենի երգիչ եւ երաժիշտ Արմէն Գէորգեանը

Մահացած է հայրենի  երգիչ եւ երաժիշտ Արմէն Գէորգեանը

Այսօր, 56 տարեկանին, կեանքէն հեռացած է երգիչ, երաժիշտ Արմէն Գէորգեանը: Վերջին երեք օրերուն երաժիշտը կը գտնուէր Հանրապետական հիւանդանոցի վերակենդանացման բաժանմունք, ուր բժիշկները կը պայքարէին անոր կեանքի համար:

Արմէն Գէորգեանը ծնած է Գիւմրի: Աւարտած է տեղի ռուսական դպրոցը, այնուհետեւ մէկ տարի յաճախած է Մոսկուայի Կնեսիններու անուան ռուսական երաժշտական ակադեմիան: Վերադարձած է Երեւան և ընդունուած «Հայհամերգի էսթրատային արուեստի սթուտիա»: Աշխատած է Հայաստանի Երգի պետական թատրոնին մէջ ստեղծման օրէն մինչեւ 1994: Մոսկուայի մէջ դասաւանդած է Կնեսիններու անուան ռուսական երաժշտական ակադեմիայէն ներս, միաժամանակ` Ժամանակակից արուեստի հիմնարկին մէջ: 2004-ին վերադարձած է Երեւան եւ մինչեւ 2011-ը դասաւանդած է Հայաստանի էսթրատային-ճազային արուեստի պետական քոլեճէն ներս: 2009-11 թուականներուն եղած է Հայաստանի հանրային հեռուստառատիոընկերութեան «Արեւիկ» մանկական վոքալ-գործիքային անսամպլի գեղարուեստական ղեկավարը: Վերջին տարիներուն նաեւ կը դասաւանդէր Երեւանի մշակոյթի պետական քոլեճին մէջ: