image
Հրատապ լուրեր:

Մահացած է անուանի դերասան Երուանդ Մանարեանը

Մահացած է անուանի դերասան Երուանդ Մանարեանը

Մահացել է հայ դերասան, ռեժիսոր, սցենարիստ,  ՀՀ ժողովրդական արտիստ, «Երևանի պատվավոր քաղաքացի» Երվանդ  Մանարյաը: Այս մասին տեղեկանում ենք նրա թոռնուհու`Լիլիթ Մանարյանի ֆեյսբուքյան գրառումից:

Երուանդ Մանարեան ծնած է 1924-ին, Իրան: 1946-ին ներգաղթած է Հայաստան, ուսանած է Երեւանի գեղարուեստա-թատերական հիմնարկին մէջ, որուն բեմադրութեան բաժանմունքը աւարտած է 1952-ին:

Որպէս դերասան եւ բեմադրիչ աշխատած է Երեւանի Հ. Պարոնեանի անուան երաժշտական երգիծանքի թատրոնին եւ Գ. Սունդուկեանի թատրոնին մէջ: 1957-1959 թուականներուն եղած է Յովհաննէս Թումանեանի անուան տիկնիկային թատրոնի գլխաւոր բեմադրիչ, 1988 թուականէն` «Ագուլիս» տիկնիկային թատրոն-աշխատանոցի գեղարուեստական ղեկավարը:

1959-1961 թուականներուն նոյն պաշտօնը վարած է Գորիսի թատրոնին մէջ, 2007 թուականէն` Քիեւի տիկնիկային հայկական թատրոնի հիմնադիր-գեղարուեստական ղեկավար: Այնուհետեւ աշխատած է Երեւանի փաստագրական ֆիլմերու աշխատանոցին եւ «Երեւան» կինոմիաւորման մէջ: Եղած է Երեւանի պետական տիկնիկային թատրոնի գլխաւոր բեմադրիչներէն:

Նկարահանած է վաւերագրական եւ գեղարուեստական շարք մը ֆիլմեր, ինչպէս` «Հայկական մանրանկարչութիւն», «Միքայէլ Նալպանտեան», «Կառամատոյցի կրպակը», «Լոյս», «Դեղերի ծնունդը”, «Նորից եկաւ ամառը» եւ այլն: Խաղացած է նաեւ «Հարսնացուն Հիւսիսից», «Հարսնացուն Ջերմուկից»,«Տժվժիկ», «Մորգանի խնամին» եւ այլ յայտնի ֆիլմերուն մէջ:

Գրած է «Տժվժիկ», «Տէրն ու ծառան», «Սպիտակ ափեր» եւ այլ ֆիլմերու սենարները: