30 Մարտին գումարուած արտահերթ նիստի ժամանակ ԿԳՄՍ նախարար Արայիկ Յարութիւնեանը շնորհակալութիւն յայտնեց ուսուցիչներուն՝ նշելով, որ անոնց շնորհիւ այսօր արդիւնաւէտ կերպով կ'իրականացուի հեռավար կրթութիւնը` ապահովելով մեծ թիւով աշակերտներու ներգրաւուածութիւն:
« Ի հարկէ, կայ նաեւ խնդիր համացանց կապի եւ սարքերու հետ կապուած, բայց հիմա յընթացս մենք հանդէս կու գանք նախաձեռնութեամբ մը, որով կը հաւաքագրենք համակարգիչներ, խօսած ենք միջազգային նուիրատու կազմակերպութիւններու հետ»,- ըսած է նախարարը, վարչապետը անոր ընդհատեց եւ առաջարկեց նիստէն ետք դռնփակ քննարկել այդ հարցը եւ լուծում գտնել:
«Շատ ուրախ եմ, որ դրական են արձագանգները: Անցեալին հեռավար կրթութեան մասին կը խօսէինք հեռաւոր գիւղերուն մէջ կրթութիւնը հասանելի դարձնելու համար, եւ այս փորձը պիտի օգնէ յետագային նաեւ այդ նպատակին հասնելու գործին»,- յոյս յայտնած է վարչապետը:
Արայիկ Յարութիւնեանն ալ նշած է, որ արտակարգ դրութիւն յայտարարուելէն 1 օր ետք իրենք յայտարարած են, որ սա համազգային կարգաւորիչ ծրագիր է, որուն շնորհիւ նաեւ պիտի փորձեն բացերը վեր հանել, եւ այս պահուն շուրջ 24 000 աշակերտ ունի համակարգիչի խնդիր: