15.09c
Երեվան
ուրբ, ապր 19
Լիբանանի արտաքին գործոց նախարարը Թուիթերեան գրառում մը կատարելով յայտարարած է, թէ ինք պատրաստ է իր անձնական բոլոր հաշիւները եւ տուեալները հասարակութեան տրամադրութեան տակ դնել:
Պասիլ իր խօսքը յատկապէս լիբանանեան «Ալ Ժատիտ» կայանի տնօրէութեան ուղղելով ըսած է. «Ո՞ւր էք եւ ինչո՞ւ չէք հետապնդեր այդ խնդիրը»:
Նշենք, որ նախարար Պասիլ, որ շաբաթներ առաջ նոյն կայանէն ելոյթ մը ունենալու պահուն ըսած էր, թէ ինք պատրաստ է իր դրամական բոլոր հաշիւները ցոյց տալ եւ այդ մասին յատուկ գրութեամբ թուղթ մը ստորագրած էր:
Ներկայիս Լիբանանի նախագահ զօր. Միշէլ Աունի փեսան հանդիսացող Ժըպրան Պասիլ այսօրուան տուեալներով կը համարուի Լիբանանի յառաջիկայ նախագահական ընտրութեան ամէնէն երեւելի թեկնածուներէն մին:
Մինչ իր հակառակորդները կը պնդեն, որ «փեսայ» նախարարը նիւթական մեծ գումարներ իւրացուցած է, անդին Պասիլ նախայարձակ ըլլալով պատրաստակամութիւն յայտնած է թափանցիկ կերպով հանրայնացնել իր դրամական բոլոր հաշիւները:
Յիշեցնենք, որ Պասիլ երկրի արտաքին գործոց նախարար ըլլալու կողքին կը վարէ «Ազգային ազատ հոսանք» կուսակցութեան նախագահի պաշտօնը:
