Արեւմտեան Ամերիկայի Հայ Դատի յանձնախումբը որոշած է իր տարեկան ձեռնարկին
ընթացքին Ազատութեան» մրցանակը շնորհել Թուրքիոյ խորհրդարանի հայազգի
երեսփոխան Կարօ Փայլանին, որ անդամ է Թուրքիոյ քրտամէտ Ժողովուրդներու
ժողովրդավարական կուսակցութեան:
Այս մասին լուրը կը փոխանցէ «Ասպարէզ»ը գրելով նաեւ, որ մրացանակի տուուչութիւնը տեղի պիտի ունենայ յառաջիկայ հոկտեմբերին: Կը նշուի, որ Հայ Դատի մարմնին կողմէ կազմակերպուած 8 Հոկտեմբերի ձեռնարկը տեղի պիտի ունենայ Պեվըրլի Հիլզի «Հիլթըն» պանդոկին մէջ:
Յաւելեալ տեղեկութեանց կամ տեղեր ապահովելու համար, դիմել (818) 500-1918 թիւին, կամ այցելել www.ancawr.org/gala կայքէջը։