Այսօր իր մահկանացուն կնքած է սուրիացի անուանի գրող Հաննա Մինան։
Այս մասին լուրը կը փոխանցէ Սուրիոյ «Սանա» լրատուական գործակալութիւնը նշելով նաեւ, որ իր մահկանացուն կնքած Մինա երկար ժամանակէ ի վեր կը պայքարէր անողոք հիւանդութեան դէմ։
Կը նշուի նաեւ, որ քառասունէ աւելի վիպակներու հեղինակ Մինան կը համարուի Սուրիոյ արձակի վարպետներէն մին եւ անոր գործերուն մէջ մեծ տեղ տրուած է անարադարութեան դէմ պայքարին, կիներու իրաւունքներուն եւ կաշառակերութեան վտանգաւոր երեւոյթին։
Լաթաքիա ծնած Մինա, որ նաեւ հիմնադիրն է Սուրիոյ մէջ գործող «Արաբ գրողներու միութեան» 94 տարեկան էր։