Հայտնի է, որ աշխարհահռչակ գրող Վիլյամ Սարոյանը 1964 թվականի գարնանն ԱՄՆ-ից օդանավով գնացել է Ստամբուլ, հետո Անկարայից անցել Տրապիզոն, որտեղից էլ մի քանի օր տևած ճանապարհորդությունից հետո հասել է Բիթլիս՝ իր հարազատների ծննդավայրը: Պատմական այդ այցի մասին գրվել են գրքեր, հոդվածներ: Լուսանկարում Անկարայի փողոցներից մեկում կոշիկ մաքրողը փայլեցնում է Ուիլյամ Սարոյանի կոշիկները: Լուսանկարի հեղինակը թուրք հայտնի հրատարակիչ և գրող Ֆիքրեթ Օթյամն է, որ Թուրքիայում 1964-ին ուղեկցել է հայ գրողին: Լուսանկարի բնօրինակը գտնվում է ամերիկացի հավաքորդներից մեկի մոտ:
1964 թվական, մայիսի 1, Անկարա
Ֆիքրեթ Օթյամն ու Ուիլյամ Սարոյանը՝ Բիթլիսում, 1964 թ.